Белингам предизвикува немир кај стоперот на Барса: Реал доби неверојатен фудбалер!

Барселона има многу проблеми со повредени играчи од стартот на сезоната и Чави Ернандес ретко кога можеше да смета на сите свои фудбалери, но еден од најздравите од стартот на сезоната е Андреас Кристенсен.

Данскиот фудбалер му стои на располагање на својот тренер и одигра по 90 минути на последните два меча во Ла Лига, но иако сега е на репрезентативна пауза, во мислите на Кристенсен е дербито кое набрзо ќе дојде.

Барселона и Реал Мадрид ќе ги одмерат силите на 28-ми октомври, а Кристенсен уште отсега е свесен дека закана број еден за него и неговите соиграчи во одбрана ќе биде Џуд Белингам.

– Немирен сум кога го гледам стартот на Џуд Белингам во Реал Мадрид. Чувствувам немир кога ги гледам резултатите кои ги остварува.

– Не знам веќе колку гола постигна на последните натпревари, едноставно доминира во Ла Лига при самото доаѓање. Мора да се признае, Реал Мадрид донесе неверојатно добар фудбалер, – признава Кристенсен.