Белингам последен го дозна противникот на Англија: Не знаев дека ќе играме со нив…

Англија не блеска на Европското првенство, но и со три бледи изданија успеа да го освои првото место во својата група и да се најде на другата страна на „костурот“ каде реалтивно е полесно да се дојде до самата завршница.

„Трите лава“ во осминафиналето ќе ги одмери силите со Словачка, а еден од оние кој последен дозна за противникот е младата ѕвезда Џуд Белингам.

-Не знаев со кого играме додека ни ни кажа. Ама секогаш ќе имате тешки натпревари во оваа фаза од турнирот. Луѓето ќе видат дека тоа е Словачка и ќе мислат дека ќе биде лесен натпревар, но тоа дефинитивно не е така.

-Тие ќе претставуваат поинаков вид на закана и тешко ќе се скршат. Кога играте со тимови кои ве напаѓат малку повеќе, тоа може да биде малку поотворено.

-Но, тоа ќе биде интересен меч во кој ќе влеземе со самодоверба. Знам дека настапите не беа толку добри како што можеше да бидат во првите три натпревари, но ова е одлична можност да се вратиме на нивото на кое треба да бидеме, -порача Белингам.