Белингам ја осмисли акцијата за гол, 30 секунди подоцна следеше фудбалска бравура (Видео)

Џуд Белингам игра во неверојатна форма во последно време, па сите критичари кои му забележуваа за тивкиот старт на сезоната, сега не можат да кажат ниту еден лош збор за Англичанецот.

Белингам е убедливо најдобар играч на Реал по поразот од Милан во Лигата на шампиони и постигна шест гола на последните седум натпревари, а оној против Аталанта вчера во Бергамо беше навистина извонреден.

Џуд го „измести“ чуварот со елегантно движење и погоди силно со својата послаба лева нога, но интересно е во целата оваа ситуација што имало и увертира на ремек-делото.

Непосредно пред да постигне гол, Белингам побара од Винисиус да ја пробие зонската одбрана на Аталанта со висока топка, а само 30 секунди подоцна, следува токму такво сценарио.

Белигам ја осмисли акцијата во својата глава и успеа да ја спроведе на дело, па затоа овој гол стана посебно вирален на социјалните мрежи.

Видеото погледнете го ТУКА