Белингам по потврдената пауза поради повреда: Можеби моето тело испраќа порака…

Џуд Белингам одигра натпросечна прва сезона во редовите на Реал Мадрид, а периодов ќе мора да оди на принуден одмор поради повредата заработена изминативе денови.

Англискиот репрезентативец ќе паузира околу еден месец, што значи дека Карло Анчелоти ќе треба да најде начин да го неутрализира отсуството на еден од своите најдобри играчи.

Белингам доцна синоќа испрати моќна и емотивна порака до соиграчите.

– Ништо не мразам повеќе од тоа да пропуштам натпревари, но треба да се гледа на позитивната страна и можеби моето тело испраќа порака дека ми треба повеќе одмор по напорната сезона.

– Фрустриран сум, но ќе ги поддржувам соиграчите како голем фан, се додека не им се придружам повторно и тоа во најдобра форма, – напиша Белингам на социјалните мрежи.