Белингам им се извини на навивачите на Реал: Правиме чекор напред, па два назад (Фото)

Реал Мадрид не игра на свое препознатливо ниво во Лигата на шампионите и третиот пораз на петтиот меч е нешто што никој не го замислуваше во „кралскиот клуб“, а во таква ситуација, први на удар секогаш се големите ѕвезди кои не ги исполнуваат задачите на теренот.

По поразот од Ливерпул на „Енфилд Роуд“, Килијан Мбапе го извлече најдебелиот крај кога се критиките во прашање, но ако Французинот се одлучи за медиумски молк и очигледно избегнување на новинарите, Џуд Белингам реши да покаже образ по непријатното враќање во родната земја.

Белингам почувстува потреба да им се извини на навивачите на Реал кои отпатуваа да го бодрат тимот во Ливерпул, но истовремено и призна дека на него и соиграчите не им оди според планот во овој момент.

– Во овој момент постојано правиме еден чекор напред, а два назад. Резултатот е разочарувачки и покрај тоа што противникот беше брилијантен.

– Сакам да им се заблагодарам, но и да им се извинам на сите мадридисти кои дојдоа да не следат во Англија. Нема смисла да се повторува нешто што не можеме да го промениме, сега мора да останеме заедно и да се поддржиме пред следните важни натпревари кои следат. Хала Мадрид секогаш, – порача Џуд.

🚨 Jude Bellingham on IG. pic.twitter.com/yc26W8tRaT

— Madrid Xtra (@MadridXtra) November 29, 2024