Белингам го намирисал проблемот на Реал уште на полувреме, испратил јасна порака до Мбапе, Винисиус и Родриго (Видео)

Џуд Белингам мора да игра поповлечено оваа сезона за да им остави простор во нападот на Мбапе, Винисиус и Родриго, а токму тој бил играчот кој ги „намирисал“ проблемите за Реал Мадрид на гостувањето на „Сан Мош“.

Реал Мадрид водеше по 45 минути игра и пропушти неколку добри прилики за да има и посигурно водство, нешто што беше казнето од Мајорка која се врати на стартот на вториот дел.

Откако постигнаа гол, домаќините ги затворија сите приоди кон сопствениот гол и успеаја да се одбранат од налетите на Реал, кој вчера покажа дека може да биде и доста ранлив во дефанзива.

Карло Анчелоти говореше за лошата рамнотежа во дефанзивен план и ги опомена своите играчи кои не покривале доволно во одбрана, а такво нешто насетил Џуд Белингам кој имал порака за ударното трио во нападот за време на паузата меѓу двете полувремиња.

– Вие тројца, завршувајте ги акциите. Ако не го правите тоа, после тешко е да се враќаме назад, – вели Џуд, на што Мбапе возвраќа.

– Да, тоа го велам и јас, мора да ги завршиме акциите….., – возвраќа Мбапе, а Џуд на крај завршува.

– Да, создади мал простор и шутирај…….

Bellingham: “You three, we need to finish the attack, because the running back… is f*cking hard.”

Mbappé: “That’s what I’m saying. We have to finish with something.”

Bellingham: “Yeah, even… create a yard and [shoot].” pic.twitter.com/Js6o6IcNMy

— TC (@totalcristiano) August 18, 2024