Белгискиот селектор го детектираше главниот проблем на неговата репрезентација

Белгија денеска доживеа шокантен пораз од Мароко и си ги намали шансите за пласман во осмифиналето на Светското првенство во Катар.

Кевин де Брујне и компанија ги разочараа белгиските фанови, а селекторот Роберто Мартинез се обиде да ја детектира причината за разочарувачкиот резултат.

– Се работи за психолошки проблем, не мислам дека имаме недостиг на квалитет.

– Игравме подобро со топка отколку на дуелот со Канада, но никако не можевме да го направиме тој клучен пас во завршницата.

– Тешко е да се разбере овој пораз бидејќи последните шест години секогаш сме наоѓале начин да постигнеме гол, реализиравме на речиси 50 натпревари по ред, а овде имаме потешкотии да погодиме. Мислам дека претерано се плашевме од поразот од Мароко и тоа беше одлучувачко денеска, – изјавил Мартинез.