Белгија првпат немаше селектор на ждрепката за СП, медиумите ја открија причината за отсуството на Тедеско

Белгиската фудбалска репрезентација доби противници за мундијалските квалификации, но во Цирих не присуствуваше селекторот Доменико Тедеско.

Медиумите одбележаа дека ова е првпат во историјата на ждрепките за СП, актуелниот белгиски селектор да не присуствува на важниот настан, а причината е очигледна.

Тедеско во моментов не е целосно потврден за останување на функцијата, а главна причина е ангажирањето нов спортски директор кој допрва треба да го одобри продолжувањето на мандатот на Германецот со италијанско потекло.

Венсан Манар е назначен за нов спортски директор и наредниот период ќе треба да одлучи дали тој и Тедеско размислуваат во иста насока во однос на наредниот период.

Поради ова федерацијата одлучила дека не е најпаметно некој од нив да патува во Швајцарија и да дава изјави во овој чувствителен период.