Белами пред гостувањето на Велс во Македонија: Возбуден сум поради овој предизвик

Репрезентациите на Македонија и Велс обезбедија победи на првите натпревари од мундијалските квалификации, а сега следува нивниот меѓусебен дуел кој ќе се одигра во Скопје.

Велшаните синоќа славеа против Казахстан со 3:1 на домашен терен и селекторот Крег Белами може да биде задоволен од стартната победа, но е свесен дека неговите избраници мора да одиграат подобро ако сакаат позитивен резултат и на гостувањето во Македонија.

– Тие се добар тим и ќе мора да одиграме на највисоко ниво.

– Ми се допаѓа предизвикот да го подготвувам тимот за гостување како тоа во Македонија, сакам да се подобруваме од натпревар во натпревар.

– Треба да го прифатиме овој нов предизвик, Македонија остава простор да бидеме возбудени поради нашиот нов натпревар, – рекол Белами.

Дуелот Македонија-Велс ќе се игра во вторник од 20:45 часот.