Бекер со реакција за неверојатниот податок по поразот на Ѓоковиќ: Помина некое време…

Елиминацијата на Новаќ Ѓоковиќ на Ју Ес Опен дефинтивно е вест на денот на престижниот тениски грен-слем, а српскиот тенисер остана без можност да се бори за нов трофеј во Њујорк.

Ѓоковиќ загуби од Попирин и со тоа првпат по 18 години не го мина третото коло на овој грен-слем, а за него ќе биде невообичаено и што ќе ја заврши годината без ниту еден грен-слем трофеј.

Фактот што српскиот тенисер нема да освои турнир на големата четворка во 2024 година го донесе и фактот дека ова ќе биде првпат по 2002-та, големата тројка составена од Ѓоковиќ, Рожер Федерер и Рафаел Надал да не освои ниту еден грен-слем во календарска година.

Тоа не помина неодбележано и од поранешниот грен-слем шампион, Борис Бекер, кој редовно ги коментира тениските актуелности на социјалните мрежи.

– Помина некое време, – забележа легендарниот Бекер.

It’s been a while … https://t.co/Dn5cEgZx8q

— Boris Becker (@TheBorisBecker) August 31, 2024