Бекер со коментар за финалето на Ју-Ес Опен: Овој меч беше преголем товар за Ѓоковиќ

Борис Бекер е поранешен тренер на Новак Ѓоковиќ и актуелен тениски аналитичар кој имал свој коментар за финалето на Ѓоковиќ со Данил Медведев.

Откако Русинот триумфираше, Бекер вели дека токму Медведев најмногу заслужил да триумфира во Њујорк.

– Медведев победи заслужено, беше најдобар овие две недели и загуби само еден сет.

– Овој меч беше преголем товар за Ѓоковиќ, ментално не можеше да ги контролира емоциите.

– Сакаше да испише историја, не да биде еден од најдобрите, туку најдобар со најмногу грен-слем трофеи, тоа ќе се случеше ако победеше во Њујорк.

– Данил ќе освои уште грен-слем титули, тој е најподготвен од новата генерација и знае како се игра голем меч, – изјавил Бекер.