Бекер: Ѓоковиќ е многу разочаран, но тоа јавно не би го признал

Најдобрите светски тенисери се уште се во неизвесност околу продолжување на сезоната, а легендарниот Борис Бекер потенцира дека ваквата ситуација му одговара највеќе на Рожер Федерер, додека Новак Ѓоковиќ со право може да биде најнезадоволен.

Германецот смета дека српскиот тенисер сигурно е разочаран поради паузата изнудена од коронавирусот, поради одличната форма во која играл на почетокот на годината.

– Можеби единствено Федерер ужива во оваа ситуација, бидејќи на ваков начин неговите рекорди се сигурни, додека Ѓоковиќ е највознемирен во водечката тројка.

– Новак немаше загубено меч во 2020 година, го освои АТП купот со Србија, беше шампион во Австралија, па во Дубаи. Тој никогаш не би го признал тоа јавно, но сигурен сум дека во себе е крајно разочаран поради ситуацијата, – вели Бекер.