Бекер е убеден: Синер долго време ќе доминира во светскиот тенис

Јаник Синер веќе подолг временски период игра на навистина високо ниво и сосема заслужено е број еден на АТП листата.

Тој е конкурентен за сите титули без разлика на подлогата, освојува пехари и дефинитивно е име кое може да ја одбележи оваа ера во тенисот, сценарио во кое верува и легендарниот Борис Бекер.

-Воопшто не ме чуди што Синер е број 1. Го познавам долго време, секогаш беше многу талентиран, но она по што се истакнуваше беше неговата одлучност. Се ставаше во втор план за тенисот. Живее и дише тенис, си замина од дома на 13 години за да го максимизира својот потенцијал.

-Стабилноста што ја има во играта е неверојатна за некој кој има само 23 години. Тој секогаш го имаше тоа високо ниво, неговата игра никогаш не паѓа и навистина не сум изненаден. Мислам дека ќе биде долго време околу првото место. Точно е дека го имаме Алкарас и многу други, но убеден сум дека Јаник уште долго ќе доминира, -порача Германецот.