Бекам влезе во гаражата на Ферари и приреди фудбалско шоу со Леклер (Видео)

Дејвид Бекам беше една од вип ѕвездите на трката за Големата награда на Мајами и заедно позираше со спортски легенди како Мајкл Џордан и Том Брејди, но Ферари ни откри дека поранешниот англиски капитен ја посетил и гаражата на италијанскиот тим.

Популарниот Бекси се најде во фокусот на камерите во неколку наврати, но Ферари откри и едно видео од зад сцената, односно од пред почетокот на трката.

Бекам влегол во гаражата на Ферари и приредил фудбалско шоу како загревање за возбудувањата кои следеа на патеката, а помош добил од Шарл Леклер.

Моначанецот е голем фудбалски фан, а очигледно поседува и просечни фудбалски квалитети со топката ако се земе во предвид како се носеше во додавањата со Бекам.

Warming up in Becks’ style ⚽️😎#DavidBeckham 🤜🤛 @charles_leclerc #essereFerrari🔴 #MiamiGP pic.twitter.com/424km3Doui

— Scuderia Ferrari (@ScuderiaFerrari) May 8, 2022