Бекам го избра играчот кого најмногу го почитува и сака да го гледа: Тој игра со страст, игра со многу слобода

Дејвид Бекам веќе една деценија не е активен на фудбалските терени, но тоа не значи дека фудбалот понатаму не е дел од неговиот живот.

Како што е познато тој е претседател и ко-сопственик на МЛС составот Интер Мајами, но и на тимот на Салфорд Сити што значи дека директно е инволвиран во овој бизнис. Тој во исто време продолжува да ги следи сите актуелности, случувањата, па од негов агол го избра играчот кој најмногу го почитува, му се воодушевува и сака да го гледа-тоа е Лионел Меси.

-Тоа мора да биде Меси. Го сакам Лео од многу различни причини. Го сакам затоа што тој е одличен татко. Го сакам затоа што тој е одлична личност, карактер. Но мислам дека она што сите го сакаат кај него е начинот на кој ја игра играта. Тој ја игра играта со страст, игра со многу слобода. Мислам на СП, начинот на кој играше за својот тим, за својата земја и тоа што го освои беше неверојатен момент за него. Сакам да гледам играчи како него, -порачал популарниот Бекс кој сигурно со ова сака и дополнително да го привлече Лео кого јавноста некое време го поврзува со Интер Мајами.