Бекам ги преплаши Ричардс и Карагер во студиото на „Си-Би-Ес“ (Видео)

Дејвид Бекам вчера беше потврден како дополнително засилување на „Си-Би-Ес“ за натпреварите од Лигата на шампионите, а телевизијата креираше уште еден вирален момент со начинот на кој поранешниот англиски репрезентативец им се придружи на новите колеги.

Покрај водителката Кејт Абдо, во стандарниот тим коментатори се Џејми Карагер, Мика Ричардс и Тјери Анри, а Бекам според најавите ќе има одредени појавувања како дополнителен експерт за случувањата на теренот.

Додека Бекам бил претставен преку видео бимот и наводно не успеаваше да ги слушне колегите од студиото, успеа да ги извади од памет Карагер и Ричардс појавувајќи им се од зад грб, за подоцна да си добие место во студиото.

При гостувањето Бекам потврдил дека нема да биде класичен колега на триото коментатори, туку ќе го активира проектот „Бекам и пријателите“, што ќе биде ново шоу во кое тој ќе ги следи натпреварите од ЛШ со некоја позната личност.

“YOU STILL SMELL LOVELY!” 😂@MicahRichards and the #UCLToday crew got the ultimate in-studio surprise 😱 pic.twitter.com/RqArwcOui3

— CBS Sports Golazo ⚽️ (@CBSSportsGolazo) September 17, 2024