Бекам ги откри плановите на Меси: Нема играч кој повеќе ја сака Барселона од него!

Дејвид Бекам како сопственик на Интер Мајами ќе се обиде да го задржи Лионел Меси што е можно подолго во Флорида, но и самиот е свесен дека не може да направи ништо околу обидот Америка да остане негова постојано место на живеење.

Легендарниот Англичанец им откри на новинарите дел од плановите кои ги има Меси по крајот на играчката кариера, а истите се поврзани со градот во кој ги мина најубавите моменти во животот и кариерата.

Како што вели Бекам, целта на Меси е да се врати во близина на „Камп Ноу“ и во градот Барселона, па таквото размислување само ги тера фановите да мислат дека еден ден сепак ќе се врати во клубот.

– Би сакам Меси да остане блиску до нас и да остане да живее во Мајами откако ќе се пензионира, но тоа нема да се случи.

– Лео ми кажа дека размислува само да биде блиску до „Камп Ноу“. Нема играч во светот кој повеќе ја сака Барселона од Меси. Може да го видите грбот на Барселона на неговата нога, но дури и на шишето од кое пие вода, – порачува Бекам.