Бејтулаи поради семејни причини се раздели со Хелсингборг

Егзон Бејтулаи потпиша тригодишен договор со Хелсинборг во јануарскиот преоден рок, но неполни пет месеци подоцна, клубот соопшти дека е дојдено до раскин на меѓусебната соработка по барање на самиот фудбалер.

Поранешниот член на Шкендија и македонски репрезентативец даде образложение дека мора да остане во Македонија поради лични причини, а клубот експресно ја разбра ваквата ситуација и се согласи на пријателски раскин на договорот кој е поволен за двете страни во овие специфични корона услови.

– Поради семејни причини, мора да останам дома. За доброто на клубот, но и за мое добро, ова беше најреално решение. Клубот ме поддржа и мило ми е што постигнавме ваков безболен договор. Работите не излегуваат секогаш како што се надевате, му посакувам на клубот се најдобро во иднина, – изјави Бејтулаи за официјалниот сајт на клубот.

Во својата објава, Хелсингборг нагласи дека го поддржува фудбалерот во својата одлука и му посакува најдобар исход во семејниот проблем.