Бејл го брани Мбапе: И натаму е број еден во својата генерација

Килијан Мбапе не успеа да му помогне на Реал Мадрид да избегне пораз на гостувањето кај расположениот Ливерпул, а заработи и многу критики поради промашениот пенал со кој можеше да донесе израмнување на „Енфилд“.

Поранешната ѕвезда на Реал, Герет Бејл, застанала во одбрана на Французинот, потенцирајќи дека нереализираниот пенал не ја намалува важноста на Мбапе за екипата на Реал.

– Се случува такво нешто, јас сум промашувал пенали, сите промашуваат пенали.

– За жал, во моментов работите не одат во посакувана насока за Мбапе, но сметам дека тој и натаму е најдобар во својата генерација и прашање на време е кога ќе го потврди тоа, – рекол Бејл.

Реал во меѓувреме остана на 6 освоени бодови во Лигата на шампионите, а до крајот на главната фаза ќе се соочи уште со Аталанта, РБ Салцбург и Брест.