„Баварците“ не платиле ниту едно евро за Кансело

Баерн Минхен успеа да обезбеди квалитетно засилување во зимскиот преоден рок и тоа во името на португалскиот репрезентативец Жоао Кансело.

Дефанзивецот не ја имаше посакуваната минутажа во Манчестер Сити по Светското првенство, па побара да си замине и му беше дозволено тоа да го направи. Се работи за позајмица по која Баерн ќе има право да го откупи неговиот договор на лето за 70 милиони евра.

Меѓутоа она што е интересно е дека „баварците“ се избориле не платат ниту еден денар, ниту едно евро за оваа зделка (позајмица) што секако е изненадувачки на вакво ниво каде секогаш се бара одредена сума, милиони за секоја операција.

-Фактот дека зделката за Кансело е без обештетување се должи на нашата мрежа, -обелодени Хасан Салихамиџиќ (спортски директор) за „Билд“.

Кансело веќе одигра два натпревари за германскиот првак и забележа две асистенции.