Батум: Ова е најлудиот и најчудниот турнир на кој сум играл

Николас Батум со својата Франција не успеа да дојде до олимпиското злато и со тоа на најдобар, идеален начин се прости од националниот дрес.

Французите паднаа на последниот испит, соочувањето со САД, селекција со која максимално се бореа, одлучуваа нијанси, но и играчи како Стеф Кари кој влезе во елемент и едноставно не можеа да го неутрализираат.

-Загубивме против голем тим, ама бевме во натпреварот. Тоа беше меч на 5 поени на две минути до крајот. Стеф беше неверојатен и го затвори дуелот, -рече Батум кој проговори за целото патување на националниот тим на турнирот и турбуленците низ кои поминаа.

-Пред 7 дена кој можеше да помисли дека на крајот ќе го играме овој натпревар и ќе бидеме блиску до ваков тим? Тренерот и неговата соработници направија одлична работа за да се прегрупираат. Се разбира, сакавме да победиме, да создадеме нешто посебно, но сепак тоа е големо достигнување за нашата земја. Дали не видовте минатата недела? Бевме во навистина лоша форма. Тоа беше чуден турнир за нас, но да се биде на оваа позиција, тоа е неверојатно. За овој тим играм 15 години и ова е најлудиот, најчудниот турнир што сум го играл со тимот.

-Можеме да жалиме. Можеме да бидеме горди на себе. Мешавина од емоции. Ама ние сме на подиумот и можеме да бидеме горди на тоа. Девет големи екипи си заминаа дома без ништо, добивме медал. Беше тоа лудо патување, луди две недели, но можеме да бидеме горди, -порача француската легенда.