Батлер провоцираше по победата над Денвер (ВИДЕО)

Мајами Хит дојде до првата победа во пресметката со Денвер Нагетс и на тој начин израмни на 1-1 во битката за трофејот во НБА лигата.

„Жешките“ славеа со 111:108 во средба во која клучната разлика ја направија во завршната четвртина. Гостите имаа тројца играчи со плус 20 поени, а еден од нив беше Џими Батлер кој реализираше 21 кош со 4 скока и 9 асистенции.

Токму Батлер на специјален начин го прослави овој триумф што на еден начин е и провокација за Јокиќ и компанија. Џими се прошета со маица на која пишуваше „уште три“ јасно алудирајќи на тоа дека им се потребни уште три триумфи да бидат најдобри во најсилната лига на светот.

Jimmy Butler already wearing “3 more” shirt 💀pic.twitter.com/OBmnUax3e9

— Buhownz 🪼 (@Demar305) June 5, 2023

Батлер е познат по тоа што „пука“ од самодоверба, па останува да видиме дали сега истата ќе се покаже како доволна за славје и во оваа серија.