Бастони за посакуваниот противник во финалето: Да кажеме…

Интер беше подобар од Аталанта со 2-0 и дојде до првиот билет за финалето на Супер Купот на Италија, турнир што се игра во Саудиска Арабија.

Избраниците на Инѕаги го бранат трофејот во ова натпреварување, а првата пречка беше помината со два гола во вториот дел кои беа дело на Дамфрис во 49 и 61 минута.

-Знаеме колку е тешко да се игра против екипа како Аталанта, која ги затвора просторите и оди човек за човек. Потребен ви е индивидуален талент во овие ситуации и Дензел тоа ни го даде. Јасно е дека нашата цел е да победиме на секој натпревар, без разлика со кого се соочуваме, потпирајќи се на нашите сопствени карактеристики, -истакна Алесандро Бастони кој запрашан за тоа кого би сакале да го имаат за ривал во финалето Милан или Јувентус, одговорот беше следен:

-Да кажеме дека во Серија А не ги имавме нашите најдобри перформанси против ниту еден од нив така што ќе имаме што да покажеме и докажеме со кого и да се соочиме, -порача Бастони.

Инаку Интер испушти победа во лудата средба со Јувентус (4-4), додека пак против Милан го претрпе единствениот пораз во шампионатот.