Басконија ја размонтира Барса, Баерн подобар од Партизан

Евролигашката елита денеска донесе четири пресметки во вечерната програма, а посебно интересни беа ривалите кои ги одмерија силите на завршните два меча.

Во големото шпанско дерби, Басконија и одржа лекција на Барселона и буквално ја размонтира на домашен терен, нанесувајќи и го вториот пораз во осмото коло во Евролигата.

Од друга страна, Басконија влезе во позитивен ритам и стигна до трета победа во низа, а оваа беше убедливо најслатка бидејќи беше изразена со резултат 94:71 против големиот фаворит. Дури тројца играчи на Басконија беа максимално расположени за игра и тоа ја направи клучната разлика на оваа средба, па така Хауард постигна 26 поени, Коди Милер 20, а Монеке 19 поени.

Во втората возбудлува пресметка, дербито во Минхен беше многу понеизвесно и се се решаваше во последната четвртина, во која играчите на Пабло Ласо имаа повеќе нерви и го победија Партизан со 94:85.

Партизан беше во игра на четири минути пред крајот, но во финишот се распадна и на крајот Баерн стигна до трет триумф и му го нанесе петтиот пораз на српскиот великан.