Поврзете се со нас

Дејвис куп

Бартоли со жестоки критики за Пике: Ќе го уништи Дејвис купот поради личен профит

Објавено

на

Поранешната француска тенисерка Марион Бартоли го критикуваше Жерард Пике, кој преку компанијата „Космос“ ги купи правата на Дејвис куп натпреварувањето.

Тенисерката која освои три турнири во кариерата, вели дека е незадоволна од новиот формат, но и од фактот што Пике и неговите соработници постигнале договор натпреварувањето следните пет години да се одржува во Абу Даби.

– Навистина сум шокирана, не можам да поверувам дека некој се согласил пет години Дејвис купот да се игра во Абу Даби.

– Пике ја користи шансата за профит, но не треба да заборави дека кога се купува нешто, поентата не е да го уништиш. Секогаш можеш да смислиш нешто интересно за да ги привлечеш фановите, но играње во Абу Даби не е добра солуција.

– Тој не знае ништо за тенисот, не го играл и не ја познава историјата на спортот. Едноставно сака да направи пари, но барем да имаше попаметни советници околу себе. Една од главните вредности на Дејвис купот беше публиката. За да има атмосфера, мора да има домаќин и гостин, а не мора да се одржува секоја година, – вели Бартоли.

Актуелното издание на Дејвис купот се одржува во Торино, Инсбрук и Мадрид, а завршните мечеви ќе се играат во шпанската престолнина.

Реклама
Реклама
Реклама

Популарни