Барселона за едно полувреме го реши Еспањол и ја продолжи победничката серија во Примера (ВИДЕО)

Лидерот во шпанската Примера, составот на Барселона излезе како победник од каталонското дерби со Еспањол кое оваа вечер се одигра на „Монжуик“.

Избраниците на Ханси Флик славеа со 3-1 и со тоа ја зголемија предноста на девет бода во однос на второпласираниот Реал Мадрид чиј меч со Валенсија беше одложен поради поплавите во тој дел од Шпанија.

Барса имаше моќно прво полувреме во кое ги искористи сите слабости, недостатоци на противникот и дојде до убедливо водство од 3-0. Олмо го отвори резултатот во 12 минута, Рафиња во 23 зголеми на 2-0 за да потоа Дани со својот втор погодок го донесе домаќинот на плус три.

Во вториот дел дојде до опушање кај Барселона, гостите беа далеку проактивни, поопасни и преку Пуадо во 63 минута го матираа Пења. (ТУКА можете да ги погледнете сите голови)

До репрезентативната пауза, водечкиот тим во шпанскиот шампионат има дуели со Црвена Звезда и Реал Сосиедад.