Барселона веќе го осигурала првото летно засилување за Ханси Флик

Барселона успева да пронајде начин да биде доволно привлечна за светските фудбалски ѕвезди и во ситуација кога не располага со доволно големи ресурси како некогаш, а вистински џек-пот е кога ќе се издејствува попуст за некое големо фудаблско име, или пак кога ќе се дочека слободен агент.

Каталонскиот гигант веќе неколку месеци будно ја следи ситуацијата на Џонатан Та, а сега угледните каталонски медиуми ексклузивно информирата дека Деко ја довел операцијата пред свршен чин.

Оперативецот на Барселона успеал да го договори стоперот на Баер Леверкузен пред отворањето на зимскиот преоден рок, од едноставна причина што дефанзивецот е подготвен да потпишува било каков договор со почеток од 1-ви јануари.

Германскиот репрезентативец најави дека ја игра последната сезона во Леверкузен и дека си оди по крајот на истата, а „Мундо Депортиво“ и „Спорт“ тврдат дека Барса не само што е во пол-позиција, туку веќе ги има договорено речиси сите детали за комплетирање на зделката.

Како што стојат работите, Деко му го осигурал првото летно засилување на Ханси Флик уште на крајот на 2024-та година, па тоа значи дека Барса ќе добие уште едно важно засилување во срцето на одбраната.