Барселона соопшти колку долго ќе отсуствува Бернал и ги шокираше фановите (Фото)

Барселона оставри четири од четири на стартот на новата натпреварувачка сезона и брзо се разбуди голем оптимизам меѓу фановите на клубот, кои во овие почетни неколку недели добија само една лоша вест.

Тешката повреда на младиот Марк Бернал го расипа впечатокот од гостувањето кај Рајо Валјекано, а иако првичните прогнози беа навистина црни, дополнителните тестови покажале дека се работи за уште посериозна повреда.

Младиот 17-годишен играч за врска беше најпријатно изненадување во стартниот тим на Ханси Флик на стартот на сезоната, но сега ќе мора да почека барем една година пред да го има следниот официјален настап.

Покрај тоа што го скинал предниот вкрстен лигамент, Бернал го оштетил и страничниот менискус на коленото, поради што лекарите морале да чекаат да спадне отокот, пред да му биде направена операција.

Затоа оперативниот зафат беше одложен и беше направен дури денеска, а откако истиот минал успешно во болницата во Барселона, самиот клуб објави дека тинејџерот ќе мора да направи пауза во период од 12 месеци, а не 6 или 9 какошто првично се планираше.

Marc Bernal successfully underwent surgery this morning to repair an injury to his left ACL and external meniscus, performed by Dr. Joan Carles Monllau at Hospital de Barcelona, under the supervision of the Club's Medical Staff. His estimated recovery time is 12 months. pic.twitter.com/XanIkLo4v3

— FC Barcelona (@FCBarcelona) September 9, 2024