Барселона со „петка“ ја прекина лошата серија, фановите воодушевени од асистенцијата на Јамал (Видео)

Мајорка имаше позитивен резултат против Барселона по првото полувреме, но гостите ја прекинаа лошата резултатска серија со убедлив настап и триумф (1:5) во продолжението.

Торес го отвори резултатот на гостински терен, но Муричи израмни пред крајот на полувремето, враќајќи ја неизвесноста на натпреварот на кој избраниците на Ханси Флик не смееја да си дозволат нов кикс во Ла Лига.

Јамал изнуди пенал во 55. минута, а Рафиња истиот го претвори во гол за водство една минута подоцна, а следниот гол исто така беше резултат на двајцата најдобри поединци во редовите на Барса.

Јамал му испрати одлично додавање на Бразилецот кој реализираше рутински, а асистенцијата на младиот шпански репрезентативец беше и потег на натпреварот и момент кој ги воодушеви фудбалските фанови.

До крајот погодија и Де Јонг и Виктор, па Барса ќе ја задржи првата позиција пред Реал Мадрид, кој сега има четири бодови помалку, но и два натпревари за играње.