Барселона со лекција за Мешков го потврди настапот во Келн

Барселона ја потврди улогата на голем фаворит во двомечот со Мешков Брест и со втора победа обезбеди место на фанл-фор турнирот од ракометната Лига на шампиони.

Чави Пасквал последен пат ќе ја води оваа шпанска екипа на една завршница на најквалитетното европско натпреварување, а вечерва Барса победи со убедливи 40:28 на домашен терен.

Домаќините направија голема предност уште во првиот дел и истата ја зголемија во продолжението, додека на првата средба Мешков загуби на домашен терен со 33:29.

Мортенсен со 7 и Гомез со 6 голови биле најефикасни во победничката екипа, а во редовите на Мешков се истакнал Ваилупау со 7 погодоци.

Барселона го затвори списокот учесници на годинешниот Ф4 турнир во Келн, а претходно таму место обезбедија Нант, Алборг и ПСЖ.