Барселона со изненадувачка трансфер мета: Посакува играч кој не се изнаигра во Тотенхем

Од редовите на Барселона по крајот на оваа сезона веројатно ќе останат без услугите на францускиот стопер, Самуел Умтити.

Токму затоа од клубот се во постојана потрага по нов дефанзивец кој нема да ја има улогата на стандарден стопер во тимот туку ќе фигурира како резервна опција за првотимците.

„Мундо Депортиво“ пренесува дека каталонскиот клуб се заинтересирал во своите редови да го донесе стоперот на Тотенхем, Хуан Фојт.

Аргентинецот не се изнаигра во Лондон и ова лето сигурно ќе си замине од клубот, а за него интерес досега пројавија гигантите од Аргентина, Бока Јуниорс и Ривер Плата.

Сепак, понуда од Барселона секако би била попримамлива за младиот 22 годишен стопер кој веројатно ќе ја прифати со двете раце.

Инаку, Фојт оваа сезона во дресот на Тотенхем одигра само седум натпревари во сите конкуренции.