Барселона со играч помалку до победа во Лисабон (Видео)

Барселона играше со фудбалер помалку од 22. минута на дуелот со Бенфика, но на крајот стигна и до победа благодарение на голот на Рафиња.

Бразилецот ја потврди импресивната форма и на денешниот дуел во Лисабон, па една пресечена топка успеа да претвори во квалитетен удар и важна предност во однос на реваншот.

Рафиња реализираше во 61. минута, а до крајот гостите ја задржаа предноста во овој прв дуел од осминафинален двомеч во Лигата на шампионите. Бенфика не ги искористи своите шанси, па сега ќе има многу потешка задача на „Камп Ноу“.

Гостите имаа играч помалку по исклучувањето на Кубарси во 22. минута, откако дефанзивецот стартуваше жестоко како последен играч во одбраната на својот тим.

Клучните моменти може да ги видите ТУКА