Барселона се засили со играч кој има одиграно 435 натпревари во НБА лигата

Барселона пред некое време остана без услугите на најзначајните играчи Нико Лапровитола кој доживеа потешка повреда и оваа сезона е завршено за него, па каталонците веднаш се активираа на пазарот каде бараат соодветно решение како замена.

На крајот изборот падна врз асот кој има огромно искуство настапувајќи во Шпанија, Турција, САД и НБА каде одигра 435 натпреваро во најсилната лига на светот-тоа е Раул Нето.

32-годишниот Бразилец потпиша договор до крајот на кампањата, а во „Палау Блауграна“ доаѓа од својата татковина во која се врати по 13 години настапувајќи за Пињеирос, клуб за кој имаше фантастични бројки од 16,8 поени, 5 асистенции за 20 минути на паркетот на пет натпревари.

-Доаѓам со многу надеж и желбa. Веќе разговарав со неколку играчи, ги видов натпреварите и подготвен сум да играм и да му помогнам на тимот што е можно повеќе. Сега сум во најдобриот момент во последните две години. Целосно се опоравив од коленото и си го вратив ритамот. Се чувствувам многу добро и мислам на напорите и сите тешки времиња што ги доживеав во последната година да стигнам до еден од најдобрите тимови во Европа како Барса, да се натпреварувам и да освојувам титули, -порача плејмејкерот.

𝐑𝐚𝐮𝐥 𝐍𝐞𝐭𝐨 𝐞́𝐬 𝐛𝐥𝐚𝐮𝐠𝐫𝐚𝐧𝐚 💙❤ pic.twitter.com/Yx4Lr4GSBc

— Barça Basket (@FCBbasket) November 25, 2024