Барселона се посрамоти на „Гампер Купот“, тимот на Флик ги доби првите свирежи од фановите (Видео)

Барселона очекуваше добро завршно издание пред премиерата на Ханси Флик во шпанската Ла Лига, но наместо тоа, на пред дена пред стартот неговиот тим претрпе тежок пораз од 0:3.

Монако беше гостин на најновото издание на „Гампер Купот“ и на крајот си замина со трофејот во рацете на своите играчи, откако Французите ги искористија сите грешки во одбраната на домашниот тим.

Лошата реакцијата на Ињиго Мартинез беше казнета со гол на Камара во 50-та минута, а веќе седум минути подоцна беше 0:2 по погодкот на Емболо.

Ова го натера Ханси Флик на неколку реакции и во игра влегоа Феран Торес и Ламин Јамал, но ниту тие не успеаја да ја вратат Барселона во игра.

Наместо тоа, видовме трет гол во мрежата на Тер Штеген, по кој ги слушавме и првите свирежи од навивачите на Барса за тимот на германскиот стручњак. Стрелец на третиот гол за Монако беше Елеби, со што беше ставено точка на натпрварот на „Монжуик“.

Барселона својот прв натпрвар во Ла Лига го игра веќе во сабота, кога на програмата е големото дерби на „Месталја“ против Валенсија.

🤬 Pitada descomunal en el Gamper. Derrota 0-3 del @FCBarcelona_es ante el @AS_Monaco_ES en el primer partido en casa de Flick#DirectoGol pic.twitter.com/t7UUsrKm3W

— Directo Gol (@DirectoGol) August 12, 2024