Барселона се пофали со ангажманот на голем африкански талент

Барселона е позната по одличната работа со млади фудбалери и препознавање на нивниот талент, а во иднина ќе се обиде да ја засили и африканската база во своите редови.

Тоа го покажува последниот потег, односно ангажирањето на 18-годишниот Ибрахим Диара, кој потпишал договор со Барса до 2028 година.

Репрезентавецот на Мали има голем потенцијал кој одамна е забележан од скаутите на каталонскиот гигант, а сега дефинитивно ќе му се приклучи на вториот тим, во кој ќе треба да добие посакувана минутажа.

Неофицијално, клубот ќе плати 1,7 милиони евра за овој трансфер, кои ќе завршат во касата на Африка фут академи, каде Диара настапувал пред да биде откриен од Барса.

Диара е левак кој игра во средниот ред и може да настапува на повеќе позиции.

A dream come true! pic.twitter.com/PVLSABwd1n

— Academie Africa Foot (@AfricaFootMali1) December 17, 2024