Барселона се испоти против борбената Звезда, Монако го доби француското дерби (ВИДЕО)

Кошаркарите на Барселона изборија победа над Црвена Звезда од 86:81 во средбата која вечерва се одигра во „Палау Блауграна“ во рамките на 7. коло во Евролигата.

Домашниот тим важеше за апсолутен фаворит, но мораше добро да потруди, испоти за да го потврди тој статус. „Црвено-белите“ од Белград се бореа низ сите 40 минути, па дури и двоцифрената предност на противникот не ги натера да се откажат, поточно тие покажаа карактер и беа конкурентни до самиот крај.

Паркер со 20 поени и Ернангомез со 18 беа прв стрелци кај победникот за кого Весели беше автор на 14 кошеви. Митровиќ на другата страна беше автор на 22 кошеви.

Монако пак во француското дерби го доби Асвел со 80:70 и тоа пред се на завршниот период кој го реализираше со 23-9. Диало и Окобо искомбинираа 37 поени, Лувавуу-Каборо за гостите реализираше 18 кошеви.

На третата средба Панатинаикос славеше над Алба Берлин со 99:85.