Барселона се „исклучи“ во финишот и остана без победа на „Балаидос“ (ВИДЕО)

Барселона почна да покажува слабости на последните натпревари, а со тоа и да губи бодови во Примера, прво доживеа пораз од Реал Сосиедад (1-0), додека вечерва испушти чист триумф во соочувањето со Селта Виго.

Каталонците имаат луди натпревари со Селта Виго, но вечерва изгледаа како да имаат се под контрола 82 минути. Барса водеше со 2-0 со головите на Рафиња и Левандовски, но Касадо направи глупост и заработи втор жолт картон, автоматски црвен.

Веќе во 84 минута Кунде направи катастрофална грешка, а тоа го искористи Гонзалес за гол и пеколна атмосфера на „Балаидос“. Во 86 минута беше 2-2 со погодокот на Алварес, одличен потег и погодок кој на крајот се покажа како финален за конечни 2-2.

Ова за Барса е прво реми во сезоната во било која конкуренција. Четата на Флик останува на првото место со 34 бода, пет повеќе од Атлетико Мадрид.