Барселона пред ангажман на дефанзивец на Баер Леверкузен

Раководството на Барселона и тренерот Ханси Флик се уште не се откажале од дополнителни засилувања во финишот на преодниот рок, а потврда за тоа е интересот за дефанзивец на Баер Леверкузен.

Каталонците се повлекоа од трката за Федерико Киеза, но затоа сега се сериозно загреани за Џонатан Та, за кого беше јасно дека ќе го напушти германскиот шампион, откако и самиот побара трансфер.

Та наводно имаше договор со Баерн Минхен, но не дојде до реализација на овој трансфер, а сега е најблиску до Барселона.

Баер првично бараше 30 милиони евра за репрезентативецот и ќе очекува соодветна понуда до крајот на преодниот рок, но се чини дека Барса мора да бара компромис бидејќи е подготвена да издвои само 20 милиони за квалитетниот фудбалер.

Се очекува прва конкретна понуда до бундеслигашот, по што би започнале и преговори за конечната трансфер сума.