Барселона повторно покажа дефанзивни слабости и освои само бод против Мајорка (ВИДЕО)

Актуелниот шпански шампион Барселона не успеа да издвојува победа над Мајорка во дуелот од 7. коло во шпанската Примера.

Каталонците и на оваа средба покажаа доста дефанзивни слабости, но за разлика од претходниот дуел со Селта Виго на кој направи чудесен пресврт за триумф од 3-2, овој пат се избори само за бод.

Двапати домашниот тим имаше предност, Муричи стрелаше во 8 минута по грешката која на направи Тер Штеген. Барса се врати во 41 минута преку Рафиња за да потоа истиот играч не реализира 100 процентна шанса за пресврт. Веднаш стигна казната, голманот Рајковиќ ја испрати топката во противничкото поле, Муричи играше со глава по што Прац погоди за 2-1.

Со овој резултат се замина на пауза по која играта не се промени, па Чави мораше да направи неколку замени при што џокерот беше Лопез кој стрелаше во 75 минута за 2-2.

Барса потоа не создаде некоја шанса, односно најдобрите две ги имаше Ларин од Мајорка, ама истите не беа искористени.

Каталонците сега имаат 17 бода и се на првата позиција, ама Џирона и Реал Мадрид имаат можност да ги минат момците на Ернандес.