Барселона потврди камбек на клучен играч за дуелот со Лас Палмас

Барселона загуби голем дел од предноста во однос на Реал Мадрид на табелата во Ла Лига, па јасно е дека денешниот натпревар со Лас Палмас носи императив за победа и враќање на позитивните резултати во домашното првенство.

По ремито со Селта и прокоцканите два бода во финишот на средбата, Барса славеше против Брест во Лигата на шампионите, но денешниот дуел на домашен терен е важен за задржување на минималната предност во однос на Реал, кој заостанува четири бода и има натпревар помалку.

Она што сакаа да го слушнат фановите, но и тренерот Ханси Флик е потврдено, па Ламин Јамал дефинитивно се враќа во составот и ќе биде во конкуренција за настап во соочувањето со Лас Палмас.

Барса го потврди составот за средбата, во него е вклучен Јамал, а останува да се види дали ќе биде и стартер од 14 часот. Најавите се дека Дани Олмо ќе остане на клупата поради одреден проблем со повреда, но јасно е дека во офанзивниот дел од првата минута ќе ги видиме Рафиња и Левандовски, кои играат во одлична форма.

Левандовски ќе има и дополнителна мотивација да постигне гол, бидејќи досега нема реализирано против Лас Палмас.