Барселона почна преговори за продажба на Белерин после само шест месеци: Се задоволува со минимален надоместок

Ектор Белерин пристигна на „Камп Ноу“ како слободен агент минататото лето, но после само шест месеци, стана јасно дека е прекуброен во составот на Чави Ернандес и сега бара свој излезе на крајот од зимскиот преоден рок.

Последните неколку часа од јануарскиот трансфер пазар се очекува да бидат доста турбулентни, а искусниот шпански десен бек веќе има постигнато договор за преселба во Спортинг Лисабон.

По трансферот на Педро Поро во редовите на Тотенхем, Спортинг сака експресно да ја покрие десната бековска позиција со Белерин, кој има зелено светло од Барселона за реализирање на трансферот.

Како што јавуваат каталонските медиуми, зделката сигурно треба да се комплетира до крајот на денот, пред се поради тоа што барањата на Барса не се воопшто високи.

Каталонците бараат минимален надоместок, односно ќе се задоволат со еден милион евра за да го пуштат Белерин во Лисабон.