Барселона не успеала да го регистрира Олмо, Шпанецот ќе го пропушти и дуелот со Атлетик

Раководството на Барселона не обезбеди соодветна финансиска ситуација за да го регистрира Дани Олмо во Ла Лига, па големото засилување нема да биде во комбинација и за денешниот дуел со Атлетик Билбао.

Барса има незгоден противник, а тренерот Ханси Флик и натаму не може да смета на шпанскиот репрезентативец, кој е подготвен да дебитира во првенството.

Се очекуваше дека заминувањата на Илкај Гундоган и Клеман Ленгле ќе направат простор за регистрација на Олмо, но Ла Лига не дала зелено светло за вакво нешто и Барса и натаму да ги намалува трошоците за да успее.

Клубот можел да го забрза процесот и со нов спонзорски договор, но не успеал да договори и такво нешто, па Олмо ќе мора да чека најмалку до дуелот со Рајо Валјекано во вторник.

📋 𝐄𝐥 𝐨𝐧𝐜𝐞 𝐝𝐞 𝐅𝐥𝐢𝐜𝐤 pic.twitter.com/TxrMq9RYYz

— FC Barcelona (@FCBarcelona_es) August 24, 2024