Барселона не успеа да го регистрира Олмо, клубот со нова жалба и план Б

Дани Олмо е единственото засилување кое Барселона го обезбеди за оваа сезона, но иако операцијата со РБ Лајпциг беше успешно завршена проблематична останува неговата регистрација во Ла Лига.

Повредата на дел од играчите на каталонците беше искористена за да тој добие „зелено светло“ да настапува за клубот во првиот дел од сезоната или поточно до 31 декември. Барса во меѓувреме потпиша мега договор со „Најк“, ама и тој не е доволен за да Олмо биде регистриран и сега шпанскиот великан баран нов начин за да го задржи Шпанецот односно да не се доведе до ситуација да го загуби без пари што може да се случи ако до крајот на годинава не го реши проблемот.

Денеска Барселона доби негативен одговор од судот, па сега со нова жалба ќе се обиде да ја спаси ситуацијата на 30 декември. Меѓутоа времето изминува, тече и водечките луѓе се свесни дека мора да реагираат и се подготвени и за планот Б обезбедување екстра приход со кои ќе се подобри финансиската ситуација.

Опција е ВИП ложата на новиот Камп Ноу, продажба која би донела 120 милиони евра, сума која е далеку од онаа што ја посакуваат од 200 милиони евра. Ама со ова би бил решен проблемот со Олмо, но и со Пау Виктор, но и би помогнал при новите договори на Гави и Педри.

Останува да се види што ќе се случи, но овие ситуции покажуваа дека тимот од Каталонција се уште е далеку од идеална ситуација и покрај сите потези, најави од претседателот Лапорта дека се ќе биде во ред, односно ќе дојдат до правилото 1:1 за да можат нормално да функционираат.