Барселона не е ист тим без Јамал, Флик откри кога ќе може да смета на него

Секој натпревар е приказна за себе и нова шанса да се научи една фудбалска лекција, мото кое веќе некое време го практикува Ханси Флик како тренер на Барселона.

Искусниот германски стручњак брзо ги освои симпатиите во Каталонија и сите со голема еуфорија го следат прогресот на младиот тим на Барса, кој после сите брилијантни изданија, на последните два меча освои само еден бод.

Барселона загуби од Реал Сосиедад и одигра нерешено против Селта на натпревар на кој водеше 0:2, па иако два натпревари не се доволно голем материјал да се прави анализа, во фокусот се најде неиграњето на Ламин Јамал.

Без младата ѕвезда во тимот, Барса освои само еден од максимални шест бода, што направи најавата за мечот со Брест во Лигата на шампионите да донесе и прашања за состојбата на Јамал.

Ламин нема да игра ниту денеска против францускиот тим поради повредата на зглобот, но Ханси испорача добра вест за мечот кој следи во домашното првенство.

– Квалитетот кој го поседува Јамал е извонреден. Со него добиваме голем плус на теренот. Тој знае да ја контролира топката, создава простор за своите согирачи, лесно може да се ослободи од ривалите. Надежта е дека овој меч против Брест ќе биде последен кој ќе го пропушти. Се чувствува многу подобро и мислам дека ќе биде опција плус за крајот на неделата. Мислам дека ќе биде опција за стартер, или на клупата на мечот против Лас Палмас, – изјави Флик.