Поврзете се со нас

Шпанија

Барселона ќе му дозволи на Кутињо повторно да замине на уште една позајмица поради една причина

Објавено

на

Долго време се шпекулира за иднината на бразилскиот фудбалер кој е под договор со Барселона, но кој во моментов настапува во Баерн Минхен, Фелипе Кутињо.

Офанзивецот не ги импресионираше челниците на Баерн Минхен, па неговиот договор за позајмица нема да прерасне во перманентен и тој ќе се врати во Каталонија по крајот на сезоната.

Се пишуваше дека за Кутињо има интерес од клубови од англиската Премиер лига, меѓутоа никој не е подготвен да плати близу 100 милиони евра за да ги добие неговите услуги.

Сепак, сега „Марка“ пишува дека Барселона ќе се согласела да го прати Кутињо на уште една позајмица, а причината за тоа биле финансиите.

Имено, Барселона според договорот постигнат кога Кутињо се пресели во клубот ќе треба да му плати дополнителни 25 милиони евра на Ливерпул доколку играчот одигра уште 24 натпревари следната сезона и собере вкупно 100 настапи.

За да ги избегнат овие непотребни трошоци во време на светската економска криза, од Барселона се согласиле да прифатат понуда за негова позајмица, па сега поверојатен станува неговиот премин во Челси или Тотенхем.

Реклама
Реклама
Реклама

Популарни