Барселона ја одбила првата понуда од Премиер лигата за својот отпишан напаѓач

Ханси Флик им даде шанса на многу млади фудбалери за време на летните подготовки, но со своите одлуки јасно стави до знаење дека не смета на двајца играчи кои за него се прекубројни во првиот тим.

Станува збор за Ансу Фати и Витор Роке, а додека „10-та“ на Барас се уште чека било каква понуда за повторно да си замине од клубот, за Бразилецот веќе се отпочнати преговори за негова продажба.

Барселоона ги разгледува сите опции и отворена е и за позајмица и за продажба, но првата конкретна понуда која пристигнала во клубот била експресно одбиена.

Англиски Евертон понудил 25 милиони евра и уште 3 милиони евра во вид на бонуси за перманентен трансфер, но Барселона не планира да се откаже од Бразилецот без да го добие барем тоа што го даде пред осум месеци.

Роке пристигна во Барса за сума од 30 милиони евра минатиот зимски преоден рок, па каталонскиот гигант ја поставил оваа сума како најниска во преговорите со Евертон.