Барселона излезе со соопштение за здравствената состојба на Јамал и ги разочара фановите (Фото)

Поразот од Леганес не е единствена лоша вест за навивачите на Барселона, бидејќи за време на натпреварот, беше евидентно дека Ламин Јамал игра повреден уште од првото полувреме.

Зглобот на крилниот напаѓач се најде во неправилна положба при еден старт и во прв момент се доби впечаток дека Ламин веднаш ќе излезе од игра, па иако фудбалерот стисна заби и одигра добар дел од второто полувреме, на крајот беше повлечен од игра.

Барселона во секој случај не успеа да постигне израмнувачки гол и претрпе историски пораз од Леганес на „Монжуик“, но многу полоша вест за Ханси Флик е тоа што го губи Јамал на три до четири недели.

Каталонскиот великан со официјално соопштение ја исвести јавноста дека е утврдено истегнување на зглобот од прв степен, поради што Ламин ќе мора да паузира од 21 до 28 дена.

Тоа значи дека Ламин со сигурност го пропушта претстојното големо дерби за врвот против Атлетико Мадрид, нема да игра ниту на стартот на годината во Купот, а прашање е дали ќе може да настапи во полуфиналето на Суперкупот против Атлетик Билбао на 8-ми јануари.

MEDICAL NEWS ❗️

The first team player Lamine Yamal received a blow to the right ankle during the game against CD Leganés on Sunday. Tests carried out on Monday have revealed that the player has a grade 1 injury to a ligament in the ankle. The player is expected to be out for 3… pic.twitter.com/IAFD0pWFSS

— FC Barcelona (@FCBarcelona) December 16, 2024