Барселона излезе со официјално соопштение по веста за апсења на лица од клубот

Утрово каталонските медиуми објавија дека шпанската полиција спровела голема акција поврзана со аферата „Барсагејт“ и уапсила неколку лица поврзани со клубот меѓу кои и поранешниот претседател, Жозеп Мариа Бартомеу.

Бартомеу беше обвинет дека потрошил големи пари на агенција која била најмена само за да ги оцрнува играчите и стручниот штаб на клубот кои биле против него во целиот овој изминат период.

По сите овие случувања веднаш со соопштение се огласија и од Барселона од каде истакнаа дека соработуваат со каталонската полиција.

– Пред каталонската полиција да влезе и да изврши претрес во просториите на „Камп Ноу“ под инструкции на судот во Барселона, кој го води случајот по повод монтираните објави на социјалните мрежи, Барселона ја понуди соработката на властите и полицијата со цел да се помогне да се разјаснат фактите кои доведоа до оваа истрага.

-Информациите и документите кои беа побарани од полицијата се однесуваат стриктно на овој случај. Барселона изразува голема почит до судскиот процес  и кон принципот на презумпцијата на невиност на луѓето погодени со оваа истрага, -стои во соопштението од Барселона.