Барселона избра конзервативен третман и откри колку долго ќе паузира Касадо (Фото)

Барселона успеа да направи неверојатен пресврт на гостувањето кај Атлетико Мадрид и славеше со 2:4, но оваа победа донесе и две лоши вести во вид на повреди.

Ињиго Мартинез и Марк Касадо го завршија со проблеми дербито на „Метрополитано“, но далеку полошо мина младиот играч за врска, кој всушност е откровение на сезоната за каталонците.

Касадо си нанесе штета на коленото и беше изваден во второто полувреме, а Барселона денеска извести дека се работи за оштетени лигаменти.

Поточно, Касадо има парцијално кинење на страничниот лигамент на десното колено, но донесено е одлука да не се прави оперативен зафат, туку да се оди со алтернативен третман.

Каталонскиот гигант соопшти дека е донесена одлука за конзервативниот третман по консултации со повеќе лекари, па предвидено е да паузира околу два месеци.

🚨 MEDICAL NEWS 🚨

This morning, additional tests were performed on first-team player Marc Casadó, confirming a partial tear of the lateral collateral ligament in his right knee. He will undergo conservative treatment and is expected to be out for approximately two months. pic.twitter.com/gcPUM5srDp

— FC Barcelona (@FCBarcelona) March 18, 2025