Барселона и Атлетико честеа со фудбалски спектакл со осум голови и најава за драматичен реванш

Барселона и Атлетико Мадрид одиграа натпревар (4:4) за паметење во полуфиналето на шпанскиот фудбалски Куп и најавија и возбудлив реванш на стадионот на денешниот гостин.

Гостите имаа фуриозен старт и со головите на Алварез и Гризман во првата и шестата минута ја шокираа Барса со водство 0:2.

Каталонците брзо се соземаа, па од 19 до 21. минута возвратија на ист начин, односно Педри и Кубарси го вратија својот тим на 2:2, а нешто подоцна домашниот состав направи и целосен пресврт.

Мартинез реализираше со глава по корнер изведен од Рафиња, па Барселона на полувреме замина со предност од 3:2.

Тој резултат беше активен до 72. минута, кога по одличниот потег на Јамал, Левандовски без проблеми реализираше за 4:2 и големо славје за домашниот состав и фановите.

Сепак, тоа не значеше дека Атлетико се откажал од позитивен резултат и во завршницата успеа повторно да испорача шокантни моменти за противникот.

Љоренте во 84. минута намали, а Сорлот во 93. минута израмни на 4:4, со што двете екипи ќе мора да го решаваат патникот во финалето на реваншот на 2. април.